Tоyota Автоцентар го претстави новиот Aygo X на домашниот пазар

Најмалиот crossover во понудата на автомобилскиот гигант од Јапонија само неколку месеци по глобалната премиера, новитетот Toyota Aygo X беше претставен на домашната јавност во салонот на Тoyota Автоцентар, Скопје, застапникот на возилата на Toyota во Македонија…

Потполно новиот Aygo X е новата визија на Toyota за авантуристички градски автомобил и е наследник на „обичниот“ Aygo кој полека станува историја во успешната приказна на Toyota. Имено новиот Aygo X е радикално изменет во однос на својот „предок“ следејќи го глобалниот тренд на популарност на креации на четири тркала со повисоко седење. Токму така, задржувајќи во својата понуда претставник од А-сегментот, Toyota реши да им понуди на европските купувачи „компактен урбан crossover. Концептот е дизајниран во Франција, а продукциската верзија е развиена во Европа.

И мора да признаеме капа долу – дизајнерите на Toyota завршија одлична работа па дизајнот од дизајнот од концептот е успешно пренесен на продукцискиот модел а конечниот резултат Aygo X има појава што плени со атлетската става веќе на прва средба. Споредено со претходникот (што ја споделуваше платформата со Citroen C1 и Peugeot 108 потполно новиот Aygo X е базиран на сопствената GA-B платформа на Toyota на која исто така се поставени и Yaris и Yaris Cross, со намалени надвиснувања. Тоа тука е преточено во најмалиот модел во гамата  на Toyota во crossover/SUV семејството. За тоа говорат; должина од 370 сантиметри ширина од 174, висина од 152 и  растојание помеѓу оските од 243 сантиметри.

Новата платформа донесе поголем отпечаток, со дури 23,5 сантиметри поголема должина во однос на претходникот, а тоа резултира со поголем простор за задните патници и поголем багажник, чиј капацитет сега изнесува 231 литар (63 литри повеќе одошто кај претходната генерација).

Ставата на crossover е нагласен благодарение на пластичните заштити околу лаците над тркалата, што се совпаѓа со двобојниот третман на мускулестата каросерија. Во атрактивниот современ стил се вклопуваат и светлосните групи – Full LED фаровите и задните светла, а формата на страничните прозорци ја потенцира динамичната нота.

Во однос на оригиналноста Aygo X има уште еден адут во понудата- во бои со име на зачини: Cardamon, Chilli, Ginger и Juniper, сите комбинирани со црна боја на В-столбовите, покривот и задниот дел. Навистина делува свежо, атрактивно, модерно, со еден збор вистински урбан освојувач кој просто ве  мами да влезете во него и појдете во урбана авантура,

Внатрешноста е модерна според желбите на помладата клиентела, при што во фокус е 9-инчниот екран на допир со Toyota Smart Connect информативно забавниот систем, клауд навигација, безжични унапредувања… Тука е и трикракиот управувач со интегрирани копчиња, мал екран на инструменталниот кластер, амбиенталното осветлување и JBL аудио систем со четири звучници. Возачкото седиште е 55 милиметри повисоко во однос на претходниот модел со унапредена прегледност напред благодарение на зголемените агли на А-столбовите. Инженерите на Toytoa исто така ја унапредија и звучната изолација и велат дека е меѓу најдобрите во А-сегментот.

Новиот Aygo X пристигнува со само една опција за погонот и тоа со атмосферскиот 1,0-литарски со три цилиндри бензински мотор што располага со моќност од 72 КС и 93 Nm максимален вртежен момент. Моторот пристигнува во комбинација со петстепен мануелен менувач или S-CVT автоматски систем за трансмисија на силата на предните тркала.

На македонскиот пазар новиот Aygo X ќе се нуди во четири нивоа на опременост – Joy, Play, Pulse и Envy, а почетната цена изнесува 13,490 евра. За детални информации заинтересираните можат да го посетат продажниот салон на Toyota во Скопје или официјалниот сајт www.toyota.com.mk.

ПОВРЗАНИ ВЕСТИ

Peugeot Partner Rapid

Први фотографии на рестилизираниот BMW Series 3

BMW M4 Coupe 50 Jahre BMW M

BMW M3 Edition 50 Jahre BMW M

Audi A1 Allstreet

Deep Blue C385

И официјално BMW M4 CSL

BMW ја претстави подновената Series 3

Подновена Mazda MX-30