Погоните во Турција се претвораат во европска фабрика за plug-in хибридни-електрични возила и батерии на Toyota…
Втората генерација на Toyota C-HR ќе се произведува во фабриката Toyota Motor Manufacturing Turkey (TMMT) во турскиот град Сакарија.Достапен во хибридно-електрични и plug-in хибридно-електрични верзии, новиот C-HR ќе биде и првиот plug-in хибридно-електричен патнички автомобил што ќе се произведува во Турција.
Покрај тоа, TMMT ќе биде првата европска фабрика на Toyota која ќе започне со производство на plug-in хибридно-електрични возила, а исто така и првата што ќе биде опремена со производна линија за батерии.
Целосно електрифицираната погонска група на новата Toyota C-HR ја одразува посветеноста на Toyota да понуди соодветни решенија за намалување на емисиите на јаглерод во најголемиот и најконкурентниот сегмент на пазарот на автомобили во Европа. Покрај хибрид-електричната верзија, новата plug-in хибридно-електрична Toyota C-HR, сега со локално склопени батерии, дополнително ќе ја збогати мултитехнолошката понуда на Toyota, приближувајќи ја до целта – 100% намалување на емисиите на CO2 во својата палета на возила во Европа до 2035. години.
Почетокот на производството на plug-in хибридно-електрични возила и батерии претставува стратешки чекор во Европа.
Покрај линијата за производство на возила, TMMT ќе изгради нова линија за склопување на батерии со приклучок со капацитет од 75.000 единици годишно. Инсталирањето на plug-in хибридни батерии ќе започне во декември 2023 година, што ќе значи отворање на околу 60 нови работни места.
Лансирањето на линијата за склопување батерии во TMMT е стратешка пресвртница за понатамошно усовршување на Toyota во однос на електрификацијата и ќе обезбеди помош за другите фабрики на Toyota во Европа со својата професионална работна сила и знаење во иднина. Вредноста на вкупната инвестиција на овој проект ќе изнесува околу 317 милиони евра, со што вкупната инвестиција во ТММТ ќе биде околу 2,3 милијарди евра. Како дел од инвестицијата во новиот модел, TMMT ќе ја подобри и унапреди својата производна линија, истовремено поставувајќи стандарди за да ги задоволи идните барања за производствена разновидност и флексибилност, што е клучен фактор во стратегијата за деловна одржливост на Toyota Europe.
Зелена фабрика
Тоyotа е посветена на постигнување целосна јаглеродна неутралност во Европа до 2040 година, како и целта за јаглеродна неутралност во сите нејзини производствени капацитети до 2030 година. TMMT се движи кон оваа цел со воведување технологии што ја минимизираат потрошувачката на енергија колку што е можно, а во исто време се префрла на обновливи извори на енергија како што е планирано за фабриката во Сакарија. Мерките вклучуваат воведување на нови технологии во лакирницата, со што се намалуваат емисиите на CO2, заедно со користењето на сончевата енергија, со што ќе се реализира планот фабриката да се направи самодоволна во користењето на енергијата.
