Бензините поевтинуваат, дизелот поскапува така одлучи Регулаторната комисија за енергетика што денес ја донесе својата најнова одлука за малопродажните цени на нафтените деривати во нашата земја…
Регулаторната комисија за енергетика донесе нова одлука за малопродажните цени на горивата во земјава, според која од вечерва на полнпќ ќе имаме поскапување на дизелот, а поевтинување на бензините.
Согласно методологијата за утврдување на цените, РКЕ одлучи цената на бензинот Еуросупер БС-95 да се намали за половина денар, а бензинот Еуросупер БС-98 ќе поевтини за еден денар, додека Еуродизелот ќе поскапи за еден денар.
Ова значи дека за литар Еуросупер БС-95 ќе се точи по 84 денари по литар, а за литар Еуросупер БС-98 ќе треба да се платат 86 денари, додека цената на Еуродизелот ќе се згоилемува и ќе изнесува 91 денар за литар.
Од РКЕ истакнуваат дека референтните цени на нафтените деривати на светскиот пазар во споредба со претходната пресметка бележат намалување во просек кај бензините за 3,158%, а кај дизелот зголемување за речиси еден процент.
