Со најновата одлука на Регулаторите цените на Дизелот и бензинот Еуросупер БС-98 поевтинуваат, додека цената на БС 95 останува иста…
Регулаторната комисија за енергетика (РКЕ) ја донесе својата најнова одлука за утврдување на малопродажните цени на горивата на пумпите во нашата земја.
Во согласност со методологијата за утврдување на цените на горивата во нашата земја, РКЕ ја донесе најновата одлука за малопродажните цени на бензините и дизелот која важи од денес. Според најновата одлука на РКЕ, цените на горивата се намалуваат во просек за 0,85% проценти во однос на претходно.
Тоа значи дека, малопродажната цена на бензинот Еуросупер БС-98 се намалува за половина денар, додека цената на Еуродизелот се намалува за 1 денари во однос на претходно.
Истовремено, цената на Еуросупер БС-95 останува непроменета.
Ова значи цената на еден литар Еуросупер БС-95 сега изнесува 105,5 денари додека паз за литар Еуросупер БС-98 се плаќаат 107,5 денари, а литар Еуродизел чини „рамно“ 100 денари по литар.
Од РКЕ истакнуваат дека референтните цени на нафтените деривати на светскиот пазар во споредба со претходната пресметка бележат намалување во просек кај бензините за 1,6 %, кај дизелот за 2,6 %.
