Вгодина пристигнува фантастичниот Nissan GT-R50 Italdesign !

Првите испораки на супер – спортскиот автомобил од Јапонија ќе бидат во втората половина на 2020 година, а несомнено ќе биде колекционерски примерок што како „алва ќе се продава“, што не е чудно бидејќи неговата вредност со секоја измината година ќе биде се поголема и поголема…

Поклониците на автомобилската спортска икона од Далечниот исток, моделот GT-R, први ќе бидат во можност да го видат прототипот на изведбата на Italdesign веќе неделава на познатиот  NISMO 2019 фестивал во Јапонија.

Па така, долго очекувањата изведба Italdesign GT-R50 е подготвена за почеток на производството, a лимитираното издание на GT-R моделот во целост е преработено.

Притоа, почнувајќи од алтернативната линија на покривот, па преку сосема новиот преден дел и целосно изменет заден дел.

Најголемите промени се направени под капакот на агрегатот – станува збор за бензинец, со работен волумен од  3,8-литир, со шест цилиндри поставени во форма на латинската буква „V“ што сега испорачува моќност од 720 KS и 780 Nm максимален момент на вртење.

Преработката на агрегатот е направена во соработка со експертите од Nissan, a првите испораки би требало да стартуваат веќе кон крајот на идната 2020 година.

Од вкупно планираните 50 примероци, со сигурност може да се тврди дека, веќе во овој момент, сите се резервирани, или, речиси сите.

Притоа, треба да се потенцира дека цената по примерок стартува од 990 илјади евра.

Поради сето ова нема сомневање дека овој модел, покрај веќе култниот GT-R, ќе биде исклучително вреден колекционерски примерок чија вредност од година во година постојано ќе расте…

ПОВРЗАНИ ВЕСТИ

Снимен новиот Ford F-150 Raptor

Porsche Carrera GT во напуштен салон собира прашина!

Наспроти кризата со корона вирусот Peugeot најави враќање на пазарот во САД веќе 2023

Турција и официјално има најдолга велосипедска патека на светот

McLaren F1- денес вреди 16 милиони фунти

Audi RS7 Sportback  со 962 КС

Помал Tesla Cybertruck за Стариот континент

Се враќа Honda CR-Z

Audi ја повлече провокативната реклама со девојчето и бананата!