Во Renault планираат помал седан

Во специјализираните медиуми за автомобилизам, деновиве, се појавија написи во кои се пишува дека во Renault, за 2021 година, планираат и лансирање на помал седан поставен врз CMF-A платформата, на која инаку се базира малиот градски Лилипутанец hatchback моделот Kwid…

Според наводи блиски до производителот автомобилот веќе е заведен под кодна ознака LBC, но барем за сега нема поконкретни детали за истиот (иако се очекува дека би можел да го добие бензинскиот мотор, со работен волумен од 1,0 – литри, со три цилиндри, и со моќност од 68KS и 91 Nm максимален момент на вртење.

Силата би требало да се пренесува на тркалата од предната оска преку менувачот што веќе се вградува во погоре спомнатиот мал градски hatchback, моделот Kwid.

Како и да е главното нешто е дека станува збор за ниско буџетен и според цената пристапен до широките маси градски автомобил, со седан форма на каросеријата (мала лимузина) со должина од околу четири (4) метри, a што своите ривали би ги имал во моделите какви што се : Ford Aspire, Honda Amaze, Hyundai Xcent, Maruti Swift Dzire, Volkswagen Ameo и Tata Tigor.

Освен на пазарот во Индија (каде патем речено и ќе се произведува), новиот мал седан ќе се продава и на пазарите во Латинска Америка, во Африка и во земјите од Југо – источна Азија…

Кога и, дали воопшто би стасал на ниско буџетните пазарите во Европа, каков што е на пример и нашиот – македонски, нема информации, барем сега за сега.

ПОВРЗАНИ ВЕСТИ

Honda глобално повлекува над еден милион возила!

Неизвесна судбината на Mitsubishi  на европскиот пазар

VW инвестира две милијарди евра во EV

Салонот за автомобили во Женева можеби засекогаш замина во историјата!

Германија – Преполни плацови со нови возила купувачите претпазливи

На глобално ниво Renault отпушта 15.000 работници!

Пазарот во Германија полека заздравува

Пресврт: РКЕ со одлука за поевтинување на горивата од полноќ!

Продолжува окрупнувањето во авто- индустријата: Алијанската меѓу Ford и Volkswagen се официјализира