Сè повеќе електрични возила се на патиштата во Велика Британија, при што производителите го зголемуваат производството и развиваат автомобили со поголеми батерии за да го подобрат опсегот и целокупната практичност…
Од друга страна, вкупната маса на возила расте, а инфраструктурата е стара и прашање е дали може да издржи нови товари. Како што пренесуваат специјализираните ревии и портали, експертите неодамна укажаа на проблем со постарите катни паркинзи – старите објекти може да бидат изложени на ризик од уривање поради зголемената маса на нови автомобили.
Електричните возила се многу потешки од денешните вообичаени автомобили на бензин или дизел, и секако се пообемни од моделите што беа на патиштата пред педесет и шеесет години – кога беа изградени многу паркинзи. За да се реши проблемот, се воведуваат нови насоки за ограничување на тежината на паркинзите.
Крис Веплс (Chris Whapples), градежен инженер, консултант за паркирање и човекот кој стои зад новите упатства, изјави за Телеграф (Тhe Telegraph) – Не сакам да бидам паничар, но дефинитивно постои потенцијал да се урнат некои од првите изградени паркинзи кои се во лоша состојба.
Проблемите не завршуваат тука, со тоа што владините министри, исто така, сугерираат дека локалните совети треба да ги проверат ограничувањата на тежината на мостовите – за да се обезбедат дека тие нема да се урнат додека потешките електрични автомобили се движат над нив.
Членот на парламентот, „Ториецот“ Грег Најт (Greg Knight), во тој контекст коментира:
– Електричните возила можат да бидат до 33 проценти потешки од еквивалентни возила со погонски единици на бензин и важно е оние кои се грижат за безбедноста на нашите патишта и мостови сето тоа да го имаат предвид.
