Помеѓу 2019 и 2022 година, група вработени во Теslа тајно преземале приватни видеа од автомобилите на клиентите и ги споделувале меѓу себе, а некои од видеата биле многу приватни, изјавиле за Reuters девет поранешни вработени во Теslа…
Автомобилот на Tesla има камери кои помагаат во возењето, но исто така, како што наведува американската компанија, камерите се направени за „да ја заштитат вашата приватност од дното до врвот“. Некои од снимките украдени од вработените ги уловиле клиентите во некои „многу непријатни ситуации“, додаваат очевидци.
Еден поранешен вработен опиша видео на кое се гледа како маж оди до автомобил целосно гол. Беа споделени и видеа од судири и сообраќајни инциденти. На едно видео од 2021 година се гледа како автомобил Теslа со голема брзина се движи низ станбена населба и удира дете на велосипед. Детето летало во еден правец, велосипедот во друг. Видеото се прошири низ канцеларијата на Теslа во Сан Матео, Калифорнија, „како шумски пожар“, додаде поранешниот вработен.
Reuters јавува дека имало и други снимки, но не можеле да ги најдат, за кои поранешните вработени велат дека не ги сочувале.
Компанијата бара од сопствениците на автомобили да им дадат дозвола да користат екрани на допир пред Tesla да ги собере нивните податоци.
„Вашите податоци ви припаѓаат вам“, се вели на веб-страницата на Теslа.
Во делот за приватност, Tesla објаснува дека ако клиентот се согласи да се споделат неговите податоци, „вашето возило може да собира податоци и да ги стави на располагање на компанијата за анализа“.
„Тоа дополнително може да и помогне на Tesla да ги подобри производите, опремата и побрзо да ги идентификува проблемите. Исто така, може да се снимаат кратки видеа или фотографии, но тоа не е поврзано со корисничката сметка или идентификацискиот број на возилото и не го открива вашиот идентитет, посочува сајтот.
Карло Плиц (Karlo Plitz), германски адвокат за приватност, изјави за Reuters дека ќе биде тешко да се најде правна оправдување според европскиот закон за заштита на податоци и приватност за една компанија да циркулира видео од возило на интернет ако тоа нема никаква врска со безбедноста и функционалноста на возилото.
