VW има намера да го оживее Moskvich како против удар на Dacia и Lada!

Руската марка уште од 2008 година и номинално е во сопственост на концернот од Волфсбург, а сега се повеќе станува актуелна опцијата таа да биде искористена како нов лост за успех на рускиот и сличните пазари…

Автомобилските симболи на комунизмот се чини како да оживуваат и како да се враќаат од депото на историјата!

Во 90-те години на минатиот век изгледаше дека автомобилските марки од Источниот блок изумираат, но Renault со успехот на Daciа покажа дека тие марки и тоа како може да бидат витални и успешни на глобалниот пазар, а сега како дополнителен адут ја имаат и руската Ladа.

Од друга страна чешката Škoda, во сопственост на Volkswagen, веќе од поодамна не е базна, евтина марка, бидејќи со секој нов модел се повеќе се воздига и го напушта базното ценовно рамниште.

Поради тоа производителот од Волфсбург (Wolfsburg) во 2008 година ги купи правата на користење на денес веќе по малку заборавеното име, односно на марката Moskvich, a подоцна го продолжи до 2021 година.

Официјални најави се уште нема, но Германците не се познати по тоа дека залудно се расфрлаат со пари и затоа не би било  изненадување ако Moskvich  воскресне на автомобилската сцена.

Во оваа куса сторија како надополнување ќе спомнеме дек гигантот од Волфсбург е сопственик и на уште еден источен автомобилски бренд, од поранешна Источна Германија, кој засега е „мртво“  – „Wartburg“, и за кој се очекува дека би можел да „игра“ значајна улога во лигата на ниско буџетни автомобили.

 

ПОВРЗАНИ ВЕСТИ

Citroen најави нов електричен автомобил

Изберете име за некои од новите модели на Lada!!!

Новата Hyundai Sonata има дигитален (паметен) клуч!

Genesis планира сериско производство на електричното купе!

Nikola со off road возила, воден скутер…!?

Hyundai со нов crossover Cretan во Шангај 2019

Volvo XC60 со Plastics Recycling Awards Europe

ŠKODA KODIAQ, OCTAVIA SCOUT и SUPERB – Најдобри возила со погон на сите тркала

Во Bentley подготвуваат поголем SUV