Xiang Shuai е релативно нов бренд од Кина што се чини се наметнува на светската сцена на мотоцикли…
Очигледно инспириран од сцената со „чопери“ и на крстосувачи што пристигнуваат од САД, брендот вложи многу напор за да го прифати стилот и карактерот на американските крстосувачи.
Тоа најдобро го покажува линијата на крстосувачи Brotherhood со необичен стил, но прилично слаби перформанси. Линијата Brotherhood сега има нов член, модел наречен Wolverine XS 800.
Еден поглед е доволен за да се сфати дека крстосувачот е дизајниран со фокус на изгледот. На крајот на краиштата, целта на линијата Brotherhood е да им обезбеди на клиентите „мотоцикли направени по мерка директно од фабриката“.
Најважната карактеристика на Wolverine XSS 800 е невообичаено широката задна гума. Со 360 mm, таа е поширока од која било сериски произведена гума, а шансите се дека ќе бидете ограничени на многу тесен избор на брендови кога ќе дојде време да ја замените.
Во моментов, само Avon и Vee ја нудат оваа големина на пневмарици. Инаку, онака патем, ќе спомнеме дека Wolverine во фабричка верзија има гуми од непознатиот кинески бренд Kingtire. Сепак, без разлика каков тип на гума ќе ставите на Wolverine, големи се шансите дека ќе биде слабо возење и кошмар за маневрирање низ тесните извртени патишта.
Да не зборуваме за едностраната задна вилушка, која веројатно е засилена за да се справи со дополнителната тежина. Резултатот? Крузер со тежина од 288 килограми.
Секако, 288 килограми можеби не изгледаат многу за голем крстосувач, но важно е да се напомене дека Wolverine XS 800 нема моќен мотор. Придвижуван е од V-twin агрегат со зафатнина од 800 кубни сантиметри, и има моќност од 52 КС и 57 Nm максимален вртежен момент.
