Запознајте го Yamaha TY-E 2.0, електричен мотоцикл од јапонска фабрика подготвен да се натпреварува во овогодинешниот Тrial светски шампионат …
Компанијата од Ивата (Iwata) сега откри детали за оваа креација на две тркала, направен како дел од плановите за постигнување јаглеродна неутралност до 2050 година.
TY-E 2.0 имаше премиера на салонот во Токио, а еве неколку клучни детали за оваа машина.
Според Yamaha, TY-E 2.0 е дизајниран да обезбеди повеќе забава отколку мотор со внатрешно согорување. Тоа треба да го направи со максимално искористување на карактеристиките на електричните мотоцикли, како што се силниот вртежен момент при ниски вртежи и силно забрзување.
Во основа, TY-E 2.0 е дериват на оригиналната машина TY-E, лансирана во 2018 година. Има нова монокок рамка изработена од композитен ламинат, во која е сместена електричната единица.
Солидните перформанси се загарантирани со комбинација на нови механички делови и електронски контролен систем, како и електроника која наводно може да открие и да се прилагоди на промените во стисокот.
Мотоциклот ќе има нов систем за складирање енергија, достапен во форма на лесна литиум-јонска батерија, за која Yamaha вели дека ќе има два и пол пати поголем капацитет од претходниот модел.
Што се однесува до тежината, Yamaha не даде прецизни бројки, освен што откри дека ќе биде „поголема од 70 килограми“. Ова не е лоша вест, имајќи предвид дека конкурентна машина како што е Honda Matesa Cota 4RT260 Race Replica тежи околу 77 килограми.
Што се однесува до конкуренцијата, TY-E 2.0 ќе се појави во неколку рунди на светскиот шампионат кој започнува во јуни. Ќе го вози Кеничи Куројама и ќе се натпреварува во фабричкиот тим на Yamaha
