Две години на аеродромот во Нов Зеланд бил паркиран осамен автомобил кој чекал да се вратат неговите сопственици, па и не се изненадување што сметките кои ги собрал досега се прилично големи…
Се разбира, лесно е да се заборават нештата, клучевите, полначи, па дури и автомобилите, иако ова последното сè уште припаѓа во доменот на посебни случаи или ретки ситуации, но сепак тоа му се случило на еден сопственик на синиот модел на Suzuki Swift, кој очигледно бил целосно заборавен на паркинг цели две години.
Сега, аеродромот New Plymouth повеќе не може да толерира автомобил на својот паркинг и неговиот извршен директор Дејвид Скот конечно тргна во потрага по неговиот сопственик преку локалните медиуми.
Според написот објавен во Taranaki Daily News, автомобилот не е преместен и ќе биде однесен со шлепер во следните неколку недели доколку сопственикот не го подигне.
Раководството на аеродромот го опиша целиот процес со кој конечно успеале да го лоцираат сопственикот на овој модел, а како што тврди директорот целото истражување што го спровеле било доста тешко.
„Всушност, на ова моравме да работиме речиси цела година, за на крајот целосно да ни се изгуби секаква трага од сопственикот.
Не успеавме да го лоцираме овој поединец, а како што изгледа тој целосно испарил од лицето на земјата.
Луѓето се добредојдени да паркираат на нашиот прекрасен паркинг, но очигледно, овој автомобил предолго стои таму и станува малку прескап за сопствениците“.
Според мрежата RNZ, сметката за паркирање ја надмина бројката од 9.000 долари, а и покрај тоа што цените на летовите и аранжманите на елитните одморалишта постојано се менуваат, ова е дефинитивно повеќе од доволно за одмор од соништата.
