Форд најави амбициозна офанзива за европскиот пазар со дури седум нови модели што ќе пристигнат до 2029 година. Американскиот производител сака повторно да ја зајакне својата позиција во Европа по падот на продажбата и повлекувањето на модели како Fiesta и Focus.
Од вкупно седумте новитети, пет ќе бидат патнички автомобили. Меѓу нив ќе има мал електричен автомобил и компактен електричен SUV развиени во соработка со Renault и произведувани во Франција. Форд планира и три нови SUV/crossover модели што ќе бидат достапни со хибридни и целосно електрични погони.
Еден од најинтересните модели ќе биде новиот Bronco за Европа, кој ќе се произведува во фабриката во Валенсија од 2028 година. Станува збор за компактeн SUV со „multi-energy“ концепт, што значи дека ќе биде понуден со повеќе типови погон, вклучувајќи хибридни и можеби plug-in hybrid верзии.
Ford паралелно ќе продолжи со развојот на електричните комерцијални возила преку Ford Pro програмата. Компанијата најави и нова електрична градска достава наречена Transit City, наменета за урбани средини и флоти.
Раководството на Ford отворено признава дека европскиот пазар станал исклучително конкурентен поради брзиот раст на кинеските производители како BYD и Chery. Затоа новата стратегија комбинира електрификација со хибридни модели, наместо целосен фокус само на EV возила.
Според аналитичарите, Ford со оваа офанзива се обидува да врати дел од имиџот што го имаше во Европа во времето кога Fiesta, Mondeo и Focus беа меѓу најпродаваните автомобили на континентот.