Претседателот на јапонската компанија Тоyotа, Акио Тојода, е познат по својот практичен пристап кога се во прашање автомобилите со високи перформанси, па дури и учествувал на неколку трки под псевдонимот Моризо (Morizo)….
Сепак, минатата година имаше несреќа, а снимката неодамна беше објавена во јавноста.
Имено, Toyoda во декември 2023 година доживеа несреќа со рели верзијата на моделот GR Yaris додека возеше на патеката Shimoyama во Јапонија (во близина на техничкиот центар на Toyota Shimoyama, кој е целосно оперативен од април 2024 година). Станува збор за објект за истражување и развој, чија внатрешност изгледа како пит-лејн на Нирбургринг. На воланот на GR Yaris беше Акио Тојода (Akio Toyoda), додека јапонскиот шампион во рели Норихико Катсута (Norihiko Katsuta) беше на совозачкото седиште.
Тоyota објави снимка од внатрешната камера на автомобилот, која сними што се случило. При влегувањето во кривината, Тојода помина преку насипот, по што GR Yaris се преврте на страна, а потоа на покривот. Прва од автомобилот излезе Кацута, а по него Тојода. За среќа, никој од нив не е повреден.
Сега Toyota одлучи јавно да го изложи оштетениот автомобил за време на церемонијата на отворање на новата фабрика.
Идејата беше да се покаже како компанијата ги тестира автомобилите додека не се скршат.
Обично оштетените автомобили се поправаат и продолжуваат со тестирање, но овој пример на Yaris GR беше исклучок.