Германскиот гигант Ауди подготвува нов премиум теренец кој ќе биде директен конкурент на легендарните Mercedes-Benz G-Class и Land Rover Defender, потврдуваат најновите информации објавени од B92.net и извори блиски до компанијата.
Audi планира да го искористи искуството на Volkswagen Group во развојот на „off-road“ возила преку платформата Scout, која овозможува напредна електрична архитектура и теренски способности.
Новиот модел би можел да биде целосно електричен SUV, со комбинација на луксуз, издржливост и технолошки иновации што досега не се поврзувале со Audi.
Иако не постојат официјални слики или спецификации, дизајнерскиот тим на Audi ветува агресивен, но елегантен изглед, со остри линии и минималистички внатрешен простор инспириран од Q8 e-tron, но со дополнителна издржливост за офроуд услови.