Во моментов, најмалиот електричен модел на BYD во Европа, Dolphin, го пробива пазарот со нова промотивна цена, која не може да ги остави рамнодушни европските производители….
Електричниот компактен автомобил од Кина има почетна цена на пазарот во Шпанија помала од 20.000 евра и во основа чини колку што треба и да чини. Бариерите меѓу Европа и Кина се повеќе се изразуваат на хартија, но во пракса полека исчезнуваат, пишуваат информативните агенции.
Без оглед на новото намалување на тарифите и новото симболично намалување на стапката за BYD, од 17,4 на 17 отсто, кинескиот производител реши да ги преземе работите во свои раце и конечно на европските клиенти да им го понуди електричниот „делфин “ по многу атрактивна цена.
BYD Dolphin (Делфин), со должина од 4,29 метри, моментално е најмалиот модел што го нуди кинескиот специјалист за електрифицирани возила, бидејќи малиот галеб се уште не се продава во Европа. Врз основа на е-платформа 3.0 I, моментално се нуди во една верзија на повеќето пазари во ЕУ.
Станува збор за верзија со батерија LFP Blade од 60,4 kWh, која го напојува моќниот електромотор со сила од 204 КС, со чија помош автомобилот минува солидни 427 километри во комбиниран циклус или 565 километри во градски циклус. Да се вратиме на промоцијата, која моментално се нуди во Шпанија. Се нудат два пакета опрема, Comfort и Design.
И двете се вклучени во промотивната понуда до крајот на септември, под услов заинтересираните да се пријават за финансирање во CA Auto Bank, со минимален аванс од 3.000 евра и рок на отплата од 36 месеци.
Затоа, BYD Dolphin Comfort по редовна цена чини 35.690 евра. Во тековната и навидум неповторлива кампања, комбинира попуст од 7.490 евра од самиот бренд и локалниот претставник, како и дополнителни 1.210 евра од поддршката на BYD субвенционирана преку програмата за финансирање MOVES III.
Сепак, Шпанците им дозволуваат на своите граѓани дополнителен бонус од 7.000 евра доколку донесат стар автомобил и го заменат за нов „Делфин“. Така, влезниот делфин конечно има атрактивна цена од 19.990 евра, која купувачот ја плаќа според горенаведените услови.
Во исто време, подобро опремениот Dolphin Design, за кој Шпанците бараат 37.690 евра по полна цена, по „пресметаните“ попусти и стимулативни програми, сепак чини прифатливи 21.900 евра.
Електричниот компактен со одличен сооднос цена-квалитет ќе биде уште попристапен во иднина.
Имено, се очекува пристигнување на нови верзии, вклучувајќи, на повеќе европски пазари, достапност на помала батерија од 44,9 kWh со послаб електромотор од 95 КС.
Таков поскромен „Делфин “, би требало да има почетна цена под 30.000 евра, односно би требало да чини помалку од 15.000 евра, вклучувајќи ги попустите и владините стимулации што ги нудат Шпанците.