Американскиот автомобилски гигант General Motors (GM) ја објави својата нова насока во развојот на водородните горивни ќелии, со фокус на комерцијални и индустриски апликации, наместо патнички возила.
Според официјалното соопштение, GM ја прекинува програмата за развој на „next-generation“ HYDROTEC системи за возила, поради високите трошоци и ограничената инфраструктура за снабдување со водород.
Сепак, компанијата ќе продолжи со производството на горивни ќелии преку заедничкото вложување со Honda, кои ќе се користат за индустриски генератори и центри за податоци (data centers).
Иако ја редефинира својата стратегија, GM не се откажува од водородот.
Преку соработки со Komatsu и Autocar, компанијата веќе развива водородни погони за големи рударски камиони и комерцијални возила со нулта емисија.
-
Проектот со Komatsu предвидува HYDROTEC систем за рударскиот камион Komatsu 930E, со цел намалување на емисиите во тешката индустрија.
-
Со Autocar, GM ќе произведува возила како цемент миксери и камиони за отпад, при што првите модели се очекуваат во 2026 година.
Иако пазарот на водородни возила сè уште се развива, GM смета дека технологијата има голем потенцијал во сегменти каде батериите се ограничени.
Оваа стратегија ја позиционира компанијата како еден од главните играчи во индустриската енергетска транзиција и докажува дека патот кон одржлива мобилност нема само едно решение.