Веќе следната година би можеле да платат милијарди евра на име на казни…
Иако вниманието на јавноста главно е насочено кон 2035 година и најавениот крај на продажбата на бензински и дизел автомобили на пазарите во Европската унија, важна е и уште една година. И доаѓа многу наскоро. Наредната 2025 година веќе може да се покаже многу скапа за производителите на автомобили, особено во контекст кога продажбата на електрични возила стагнира од почетокот на годината.
Како што наведуваат специјализираните портали, од 1 јануари оваа регулатива CAFE (Корпоративна просечна потрошувачка на гориво) наметнува дополнително намалување на емисиите на CO2 за 15% до 81 g CO2/km. Затоа, возниот парк на сите нови автомобили на одредени производители ќе мора да биде на ниво на наведениот просек.
Но, многу производители се далеку од тоа бидејќи продажбата на електрични автомобили во нивното портфолио (кои ја намалуваат просечната емисија на CO2) стагнира.
Што ќе се случи ако не ги постигнат целите? Следат високи казни. Доколку се надмине лимитот, секој вишок грам се наплаќа по 95 евра, за секој автомобил регистриран во текот на годината. Потенцијалните казни се во стотици милиони евра.
Според аналитичарите на UBS, потенцијалниот износ на казни што треба да ги платат производителите на автомобили би можел да достигне и над 7,5 милијарди евра на годишно ниво, посебно земајќи ги предвид најновите трендови на продажба.