Производството на спортското купе Prelude на Honda беше прекинато во 2001 година, но Јапонците веќе некое време го подготвуваат неговото враќање на автомобилската сцена….
За почеток, новиот Prelude беше прикажан во концептна верзија на минатогодишниот Mobility Fair во Токио, но тогаш веќе беше јасно дека за неколку години може да очекуваме и сериски модел.
Во меѓувреме, се појави информација дека следната генерација на серискиот Prelude ќе пристигне во втората половина на наредната 2025 година, како автомобил дизајниран да комбинира електрификација и уживање во возењето.
Како најава, Prelude Concept ќе биде претставен на претстојниот фестивал на брзината во Гудвуд (Goodwood Festival of Speed), но сега во атрактивна црвена боја и со црвени клешти на сопирачките. Има и суптилен аеро комплет од карбонски влакна и 20-инчни црни алуминиумски тркала.
Станува збор за автомобил со 2+2 конфигурација на седишта, со мотор со работен волумен од 2.0-литри, со четири цилиндри e:HEV погон (хибриден погонски систем) , кој според некои информации ќе има моќ поголема од 210 КС, а ќе има погон на предните тркала.
Новиот Prelude треба да биде долг околу 4300 mm, широк 1790 mm, висок 1300 mm и растојание помеѓу оските од 2575 mm. Исто така, новата генерација ќе биде достапна во верзии со лев и десен волан. Се вели дека Prelude обезбедува совршена рамнотежа на возбудливо уживање во возењето и исклучителна ефикасност, отелотворувајќи ја долгорочната посветеност на Honda за електрификација во стилски и динамичен пакет.
Оригиналниот Prelude дебитираше во Европа пред 45 години и служеше како возбудлив приказ со високи перформанси на врвната технологија на Honda во пет генерации до 2001 година. Новиот модел ветува дека ќе биде соодветно враќање за познатото име, бидејќи дава привлечна спој на стил и софистицираност со хибриден погонски склоп.
Името „Prelude“ се однесува на воведното музичко дело и соодветно го позиционира автомобилот како претходник на идните модели кои ја отелотворуваат посветеноста на Honda за спортски перформанси.
Томојуки Јамагами (Tomoyuki Yamagami), главен инженер и водач на проектот, истакнува: „Новиот Prelude не само што го означува најновото поглавје во нашата постојано еволуирана хибридна приказна, туку е и производ на 25 години пионерско истражување и развој на хибриди. Ова осигурува дека овој модел ја задржува својата „спортска“ ДНК со совршено комбинирање на ефикасноста и еколошките придобивки од електрифицираното возење со возбудливо искуство зад воланот, со зголемено уживање во возењето“.
„Дополнително, Prelude ја покажува континуираната важност на хибридните погонски единици како дел од стратегијата за автомобилска електрификација на Honda – клучен чекор кон нашата посветеност 100% од продажбата на нови возила да бидат електрични или водородни горивни ќелии до 2040 година.