Извршната директорка на Koenigsegg, Халдора фон Кенисег, вели дека брендот внимателно го проверува секој клиент.
Диктаторите и криминалците не се добредојдени и не им е дозволено да ги купуваат нивните автомобили, чија почетна цена е 3,3 милиони евра.
Koenigsegg е еден од најпосакуваните статусни симболи за најбогатите и најмоќните луѓе во светот, но не секој е добредојден како клиент во ексклузивната фабрика за автомобили во Енгелхолм.
Компанијата има многу внимателен процес во кој секој потенцијален клиент темелно се проверува.
Целта е да се осигура дека автомобилите нема да завршат во погрешни раце, потврдува претседателката на Управниот одбор Халдора фон Кенисег во интервју за шведското финансиско списание EFN.
Строгата контрола има за цел да спречи шведскиот бренд да биде поврзан со сомнителни режими или перење пари.
Контроверзниот инфлуенсер Ендру Тејт бил виден како вози Koenigsegg, но наводно успеал да го купи половен, заобиколувајќи ја фабричката проверка.
Процесот на верификација е исто така дизајниран да ги елиминира шпекулантите кои веднаш би го препродале возилото за голем профит.
Значи, само вистинските ентузијасти смеат да ги купат неколкуте автомобили што се произведуваат секоја година. Под услов, покрај ентузијазмот, да имаат и најмалку 3+ милиони евра.