Бојата на возилото може да влијае на неговата вредност до 5.000 долари, според новото истражување на iSeeCars.com.
Оваа студија ги споредила податоците за цените за повеќе од 1,3 милиони користени (половни) автомобили стари три години за да се утврди ефектот на бојата врз вредноста на препродажбата.
Просечниот автомобил губи 22,5 отсто од својата вредност по три години, но жолтите автомобили губат само 13,5 отсто, што е заштеда од над 3.000 долари во споредба со просечното возило.
Жолтите, песок боја, портокаловите и зелените автомобили губат помалку од 20 отсто од својата вредност. Златните, кафените и црните автомобили најмногу губат во вредност, над 10.000 долари по три години.
„Жолтите автомобили и понатаму имаат најголемата разлика помеѓу тоа колку се направени (произведени) и колку луѓе сакаат да купат еден “, рекол главниот аналитичар на iSeeCars, Карл Брауер (Karl Brauer). „Иако не многу луѓе сакаат жолт болид, очигледно има повеќе што сакаат отколку што има, поради што жолтите автомобили добро се снаоѓаат на секундарниот пазар. Истото може да се каже и за портокаловата и зелената боја, бои кои не ги гледате често, но очигледно се повеќе барани отколку што се достапни “.
Жолтите автомобили ја задржуваат својата вредност најдобро, губејќи 60 проценти помалку од просечното возило. Студијата покажа дека просечното возило губи 22,5 отсто (9.674 долари) од својата вредност по 3 години. Но, жолтите автомобили губат само 13,5 отсто (6.588 долари). Тоа значи дека жолтиот автомобил може да им заштеди на сопствениците – или да ги чини купувачите – повеќе од 3.000 долари во споредба со просекот на пазарот. Други бои кои ја држат својата вредност над просекот вклучуваат беж (крем ), портокалова, зелена, црвена, бела и сина.
Црно и сребрено во незавидна положба
Жолтата, исто така, ја предводеше студијата за амортизација на бојата на автомобилите на iSeeCars за 2022 година. Портокаловата боја минатата година се рангираше на второто место, но падна на третото во 2023 година, претекната од крем бојата, кој се искачи од 9-то место благодарение на неговите силни перформанси во сегментот на pick –up камионетите.
„Купувачите кои бараат бои кои се попопуларни, но сепак добро ја задржуваат вредноста, треба да ја земат предвид црвената и белата “, рече Брауер. „Овие бои не се толку екстремни како жолтата или портокаловата, што веројатно ги прави поприфатливи за просечниот потрошувач.
„Забележете како две од најпопуларните бои, сребрената и црната, се на дното на листата “, рече Брауер. „Многу потрошувачи и дилери веројатно ги сметаат овие бои „безбедни “, во смисла на широко распространето прифаќање, но тие се премногу вообичаени за да му помогнат на автомобилот да ја задржи својата вредност “.
Рангирањето на боите и вредноста на препродажбата се менуваат кога се разгледуваат главните типови возила. iSeeCars го анализираше влијанието на бојата во шест главни категории возила. „Интересно е да се види како се менува рангирањето на боите низ сегментите на возилата, што ги одразува промените во преференциите врз основа на видот на возилото што некој го купува “, истакна Брауер.
„Уште поинтересно е постојано ниското рангирање на наводно популарни бои како црна и сребрена “, додаде тој на крајот.