Извршниот директор и сопственик на производителот на електрични автомобили Nia, Вилијам Ли, предупредува дека индустријата се движи пребрзо, а некои модели се сериозно обновени двапати за само шест месеци.
– Ако старите системи не можат да се ажурираат, тоа многу ќе им наштети на старите корисници, вели Вилијам Ли (William Li).
Како што пишуваaт светските специјализирани портали, неодамна сопствениците на автомобили жестоко го критикуваа Zeekr откако производителот лансираше ажурирана верзија на возилото 001 само шест месеци по последната промена на моделот.
Новиот модел дојде со значително подобрени компјутери и системи за помош на возачот.
Развојот е толку брз што новиот модел често е застарен по само една година. Има неколку проблеми, првиот е да потрошите, на пример, 50 илјади евра за возило кое брзо ќе стане анахроно, а потоа ќе изгубите голема сума пари кога ќе го продадете како половно возило.
Вилијам Ли предупредува дека автомобилската индустрија ризикува да ја изгуби довербата кај клиентите доколку продава производи кои се технолошки застарени по само неколку месеци.
– Во ерата на паметните автомобили, брзата промена на конфигурацијата на возилата е голем проблем со кој се соочува индустријата. Производителите мора внимателно да ги земат предвид интересите на старите клиенти кога лансираат нови производи – изјави основачот на Nia за Yicai.
Вилијам Ли верува дека производителите на автомобили наместо тоа треба да инвестираат повеќе во развој на софтвер и да дозволат ажурирање на старите клиенти.
Тоа е модел кој Tesla го користи со години, кога дури и постарите модели добиваат софтверски ажурирања, до одредена граница.