По неколку години во кои Mégane беше достапен само како електричен или хибриден модел, Renault планира повторно да понуди верзии со класичен бензински мотор. Од компанијата потврдуваат дека побарувачката за електрични возила не расте со очекуваното темпо, па брендот се враќа на пофлексибилна стратегија.
Извршниот директор на Renault групацијата, Франсоа Провост, изјави дека се разгледува враќање на бензинските мотори кај Mégane и Scénic, бидејќи електричните изведби во С-сегментот бележат послаба продажба од предвиденото.
Renault, сепак, не се откажува од електрификацијата – во план е да се развиваат и plug-in хибриди и модели со проширен опсег („range extender“), со цел да се задоволи различната побарувачка на купувачите во Европа.
Следната генерација на Mégane и Scénic ќе пристигне пред крајот на деценијата, а ќе ја дели новата модуларна платформа со моделите Austral, Espace и Rafale.