Tesla престана да прима нарачки за најевтината верзија на својот Cybertruck од 61.000 долари, додека верзијата од 100.000 долари ја направи достапна за итна нарачка и испорака веќе овој месец…
Побарувачката и понудата за Cybertruck внимателно се следат од страна на инвеститорите и обожавателите на Tesla, бидејќи извршниот директор Илон Маск (Elon Musk) вложи ресурси во развојот на камионот и планира да произведува 200.000 единици годишно.
Уште во октомври, Маск рече дека Tesla имал милион резервации за камионeтот. Некои клиенти истакнаа дека чекаат поевтини верзии, бидејќи цените се повисоки, а опсегот на возење е помал од првично планираното.
„Тоа покажува дека побарувачката е многу помала од милион пикап камиони“, изјави аналитичарот на Guidehouse Insights, Сем Абуелсамид (Sam Abuelsamid) )за Reuters.
Cybertruck продаде речиси 4.800 единици во јули – неговиот најдобар месец досега и што го прави убедливо најпродаваното возило во САД со цена над 100.000 долари, според Cox Automotive.
„Тие продадоа повеќе од 16.000 досега, но одржувањето на висок обем по таа цена ќе биде предизвик“, рече претставник на Кокс во е-пошта.
Испораките на Cybertruck започнаа во ноември 2023 година по долгогодишни одложувања и големи зголемувања на производството. Маск процени во 2019 година дека пикапот ќе чини 40.000 долари и ќе може да помине 500 милји или повеќе со едно полнење.
Веб-страницата на Tesla повеќе не нуди опција за резервација на верзијата на Cybertruck од 61.000 долари, која претходно беше понудена со опсег од 250 милји и цел на испорака во 2025 година.
Серијата Foundation со два мотори со ограничена едиција од 99.999 долари со опсег од 318 милји се проценува дека ќе се испорача веќе овој месец.
Кога станува пак збор за верзијата со три мотори Foundation Cyberbeast од 119.999 долари со опсег од 301 милји ќе биде достапна од октомври.