Јапонскиот производител на автомобили Тоyotа во првиот квартал од фискалната година ги зголеми приходите за 12,2 отсто, а нето добивката за 1,7 отсто.
Како што јави француската новинска агенција АFP, од компанијата објаснија дека се соочуваат со пад на продажбата на домашниот пазар, но им помага послабиот јен и намалувањето на трошоците.
Приходите на Тоyotа достигнаа 11.800 милијарди јапонски јени (78,5 милијарди американски долари или 72,5 милијарди евра), а нето добивката 1.330 милијарди јени (8,85 милијарди долари или 8,17 милијарди евра).
Раководството на најголемиот производител на автомобили во светот по бројот на продадени возила најавува дека ја задржува не променетата прогноза за целата деловна година.
„И покрај неможноста да се одржи стабилно производство во Јапонија поради фактори како што се прашањата за сертификација и отповикувања, ние го зголемивме профитот“, нагласи Тоyotа.
Тоyotа е пионер во полето на хибридни возила, но критичарите велат дека е премногу бавно да се воведат целосно електрични возила.
Менаџментот на компанијата си постави цел да продава 1,5 милиони целосно електрични возила годишно до 2026 година и 3,5 милиони годишно до 2030 година.