![За Американците, Lexus и Toyota се најсигурни За Американците, Lexus и Toyota се најсигурни](https://avtoklub.mk/wp-content/uploads/2024/07/2021-Toyota-Corolla-Apex_013-copy-768x432.jpg)
Истражувањето на најсигурните автомобили во САД, спроведено од непрофитна организација за потрошувачи посветена на тестирање на производите, Consumer Reports, покажа дека Lexus и Toyota се на прво место според доверливоста…
Од друг страна пак, Mercedes и Chrysler се на дното на списокот на 30 производители на возила.
Porsche и BMW се на осмото и деветтото место, а од вкупно 100 поени од анкетираните возачи, тие добија 66, односно 64 поени. Истражувањето е направено за да се создаде листа на најсигурни автомобили врз основа на проблемите што возачите ги имале со своите автомобили во последните 12 месеци.
Според агенцијата за рејтинг на возила во САД, доверливоста е најважниот критериум за купувачите на автомобили, над безбедноста, достапноста или ефикасноста на горивото.
За истражувањето за задоволството на потрошувачите, Consumer Reports собра податоци за повеќе од 330.000 возила, покривајќи го опсегот на модели од 2000 до почетокот на 2024 година, и кои вклучија 17 области кои би можеле да бидат проблематични, вклучувајќи мотор, менувач, електроника во автомобилот и повеќе за да се утврди резултат за доверливост за 30 производители на автомобили.
Во најновата ранг листа се вклучени три нови проблематични области кои конкретно се фокусираат на хибридите, plug-in хибридите и електричните возила.
На прво место е Lexus со 79 поени од можни 100, Toyota има 79 и Mini 71, а потоа следат Acura со 70 и Subaru со 69 поени. Mazda има 67, Porsche 66, BMW 64, KIA 61, Hyundai 56, Buick 54, Infiniti 53.
Tesla е првиот производител кој има под 50 поени – поточно 49, а потоа следат Ram, Cadillac и Nissan со по 45, Audi е на 19-то место. Chevrolet на 20, Dodge на 21. Следат Ford, Lincoln, GMC, Volvo, Jeep. На последните три места се Rivian, Mercedes и Chrysler со 24, 23 и 19 поени, соодветно“, според истражувањето Consumer Reports.
Друго истражување објавено на веб-страницата Visual Capitalist објави листа на најсигурни врз основа на дефекти, каде Lexus и Toyota се исто така на прво и второ место, а потоа следат Buick, Chevrolet и Mini, но на дното на листата на 30 производители на автомобили. се Lincoln, Land Rover, Volkswagen, Audi и Chrysler.
Седаните, Hatch back и Coupe модели ја сочинуваат една од најсигурните категории на возила во истражувањето со просечна предвидена оцена за сигурност од 57 од 100.
По нив следни се SUV моделите со оценка 50, а потоа мини комбините со оценка 45.
Најмалку, сигурна категорија, се pick up – (камионет ) моделите, со просечна оценка од 41.