Теslа верувале или не официјално стана автомобил на кинеската влада…
Кинеската влада за прв пат ги стави автомобилите на Tesla на списокот за набавки. Tesla е на списокот за набавки објавен од владата на провинцијата Џиангсу (Jiangsu ) во источна Кина. Други марки наведени во списокот се Volvo, во сопственост на кинеската Geely и државната SAIC. Ова значи дека владините агенции и јавните групи во покраината можат да ги купат како службени автомобили, што ги истакнува блиските односи што Кина ги има со компанијата на Илон Маск (Elon Musk).
Според информативните агенции, овој настан стана вирален на кинеските социјални мрежи, при што некои корисници се прашуваат дали странските автомобили треба да се користат за владини цели.
Владата на Џиангсу се обиде да ја ублажи таквата загриженост велејќи дека моделот на Тесла е „домашен автомобил, а не увезен“, се вели во извештајот на државниот Национален бизнис дејли. Тесла, која има огромна фабрика во Шангај, произведе околу 947.000 автомобили во Кина во 2023 година, од кои повеќето се користеа локално.
Владата на Џиангсу не одговори на телефонските повици на CNN. На владиниот список за набавки, Tesla Model Y произведен во Шангај беше наведен на 249.900 кинески јуани, нешто помалку од 35.000 американски долари.
Кина е сè поважен пазар за Tesla, бидејќи земјата сочинува повеќе од половина од вкупната глобална продажба на електрични возила. Минатата година Теslа генерира речиси четвртина од вкупните приходи од Кина. Сепак, американскиот производител на автомобили се соочува и со зголемена конкуренција од кинеските ривали. BYD ја престигна Теslа во последниот квартал од 2023 година како најголем продавач на електрични возила во светот. Теslа ја врати својата позиција во првата половина од оваа година.
Автомобилите на Tesla претходно беа забранети во некои владини и воени комплекси во Кина поради загриженост за шпионажа.