![Илјадници Audi и Porsche заглавени во американските пристаништа Илјадници Audi и Porsche заглавени во американските пристаништа](https://avtoklub.mk/wp-content/uploads/2024/02/b144440d2e07cc5190e2e3b18030bdbf.jpg)
Илјадници автомобили од луксузните германски марки Audi и Porsche се заглавени на пристаништата во САД поради царинските проверки за делови од кинеско производство.
Двете марки се во сопственост на германскиот автомобилски гигант Volkswagen (VW) и вклучуваат делови направени од неговите добавувачи во Кина, вклучително и провинцијата Ксинџијанг, честа тема во западната јавност за сомневањата за кршење на правата на малцинството Ујгур.
„Се обидуваме да го решиме проблемот со доцнењето на испораката на одредени модели на возила од групацијата Фолксваген од американските пристаништа до дилерите, што е поврзано со царинската процедура“, изјави за агенцијата dpa портпаролот на VW.
„Испораките на возилата продолжуваат, но за жал можни се доцнења“, додаде портпаролот. „Причината е мала електронска компонента во контролната единица, која ќе биде заменета (…) штом ќе бидат достапни потребните делови“, објасни тој.
Според германскиот деловен весник Handelsblatt, „проблематичната“ компонента е поставена на 13.000 нови автомобили Audi и Porsche и британската луксузна марка на VW, Bentley.
Според Financial Time’s, компонентата се произведува во западна Кина и не може да се користи во САД поради прописите против принудната работа.
Volkswagen наводно не знаел каде е произведен бидејќи добавувачот го вградил во поголема компонента. Тој ги добил информациите од добавувачот и ги проследил до американските власти.
„Ги разјаснуваме фактите и преземаме соодветни мерки“, вклучително и потенцијално прекинување на соработката со добавувачот доколку нашата истрага „потврди сериозно кршење на човековите права на малцинството“, додаде портпаролот.