![MG планира градски електричен автомобил со прифатлива цена MG планира градски електричен автомобил со прифатлива цена](https://avtoklub.mk/wp-content/uploads/2024/02/mg2-ev-render-2024-front-quarter-768x509.webp)
Со новиот супермини MG 2, кој веќе е добро во развој, кинеската компанија цели на Dacia Spring EV, пишуваат британските медиуми…
MG планира да лансира електричен градски автомобил што би требало да биде достапен за околу 20.000 британски фунти и тоа до крајот на следната 2025 година, пренесува Autocar.
Говорејќи на маргините на презентацијата на новиот MG 3 на Саемот за автомобили во Женева, шефот на производи и планирање Дејвид Алисон ги истакна плановите за проширување на гамата на електрични автомобили на кинеската компанија, навестувајќи го ривалот на Dacia Spring .
Концептот за новиот модел – кој би можел да се нарече MG 2 – веќе постои, вели Алисон, и може да еволуира во сериски автомобил за помалку од две години. Брзината за лансирање на пазарот е особено важна во овој случај за да може MG да го искористи недостатокот на мали, достапни електрични возила.Алисон додава дека е „импресиониран од тоа колку брзо се случуваат работите“ во MG.
Тој објасни: „Развојот на производи очигледно е долгорочна работа, но не е незамисливо да можете да преминете од концепт до производство за само две години“. „Би било одлично доколку можеме да добиеме такво нешто на пазарот до крајот на следната 2025 година. Но, мислам дека тоа не е незамисливо.
Новиот почетен модел на MG нема да биде поевтин од Dacia Spring, но сепак ќе биде меѓу најевтините електрични возила во Европа, со цена од околу 20.000 фунти.
Тоа најверојатно ќе биде производ дизајниран и конструиран првенствено да одговара на европскиот пазар, бидејќи матичната компанија на MG SAIC моментално не продава ниту еден мал градски ЕV во Кина што МG смета дека е погоден за извоз на пазарите на Стариот континент. Сепак, тој ќе се произведува во Кина.
Не е јасно дали „2“ ќе користи варијација на модуларната скалабилна платформа, како што ќе биде случајот со моделите ZS и HS од следната генерација. Многу е поверојатно дека во MG ќе се обиддат користат постара, односно поедноставна архитектура, се со цел да ги минимизира трошоците за производство.