Нов модел на Mercedes-Maybach доаѓа на претстојниот настан Monterey Car Week (Недела на автомобилите) во Америка…
Станува збор за луксузен кабриолет верзијата Mercedes-Maybach SL, кој беше најавен во форма на концепт возило пред повеќе од две години.
Како што е наведено, серискиот Mercedes-Maybach SL ги прикажува можностите на најексклузивниот бренд на компанијата, за клиентите кои сакаат софистицирано луксузно возење и дизајнерско искуство.
Овој SL ќе се одликува со црна хауба, карактеристична Maybach маска, ознаки на брендот, рафинирано аеро-тело пакет (преден браник, комплет прагови, заден дифузор), трапезоидни издувни цевки, Maybach тркала и уште полуксузен ентериер.
Најзначајните промени ќе се случат внатре во кабината, каде Maybach ќе понуди повеќе исклучителни материјали и поголем степен на персонализација. Ова ќе вклучува поширок опсег на бои од оние што се достапни преку брендот Mercedes Manufaktur.
Што се однесува до моторот, за погонот треба да се погрижи 4.0-литарски V8 твин-турбо, но повеќе ќе се знае на 18 август.
Покрај Maybach SL, Mercedes на истиот настан ќе го изложи и Mercedes-Maybach S 680 Edition Nordic Glow, специјално издание за американскиот пазар ограничено на само 50 примероци.