Mazda премиерно го претстави EZ-6 во април оваа 2024 година, на саемот за автомобили во Пекинг, со потврда дека овој седан ќе биде достапен во Кина до крајот на годината и без најава за продажба на други пазари…
Сепак, сега јапонскиот производител објави дека EZ-6 ќе се појави во продажба оваа есен „како глобален модел“, прво во Кина, а потоа и во Европа. Засега не се споменува продажба на пазарите во САД.
EZ-6 е всушност заеднички проект меѓу Mazda и кинескиот производител на автомобили Changan Automobile, комбинирајќи го стилот на Mazda со технологијата на погонската група Changan. Тука спаѓаат plug-in хибридни и целосно електрични опции, при што вторите имаат опсег од 600 километри во кинескиот циклус на тестирање.
Во однос на габаритот EZ-6 е долг 4.921 mm, во што е де факто наследник на Mazda 6, но се заснова на платформа со погон на задните тркала што ја дели со седанот Changan SL03, пишуваат кинеските медиуми.
Според најавата, EZ-6 е наменски електрифициран модел кој го комбинира дизајнерскиот јазик на Mazda, KODO-Soul of Motion и неговите препознатливи возачки перформанси кои се фокусираат на чувството за возење Jinba-ittai (автомобил и возач како една целина). со напредна технологија за електрични возила обезбедена од Changan Automobile.
Заснован на темата „Автентично модерна“, дизајнот на Mazda EZ-6 се обидува да го долови живиот дух и елеганцијата на дизајнерската филозофија на Mazda „Soul of Motion“, изразена преку напреден стил, соодветен за ерата на електричните возила.
Динамичните перформанси ја одразуваат и посветеноста на Mazda за создавање возила кои на возачот му даваат чувство на Jimba-ittai, автомобил и возач како едно (стануваат едно).
Неговото управување и сопирање му овозможуваат на автомобилот да одговори на линеарен начин на намерите на возачот.
EZ-6 има растојание помеѓу оските од 2900 mm, распределба на тежината 50:50 што е идеален сооднос на распределба на масата напред и назад (за модел на батерии – BEV); задна суспензија со повеќе врски (multi link) и електронски прилагодлив заден спојлер кој ја подобрува стабилноста при големи брзини.
Други карактеристики кои ја подобруваат безбедноста и удобноста вклучуваат интелигентен систем за возење што го поддржува возачот, интелигентна технологија за паркирање што овозможува EZ-6 да се контролира со глас, дури и кога возачот е далеку од возилото, и паметна технологија во кабината што може да се работи на различни начини, вклучувајќи контрола на глас, допир и гестови.
Како што споменавме, верзијата на струја (BEV) има очекуван опсег на возење од приближно 600 km, додека моделот PHEV ( Plug In Hybrid Vehicle) се очекува да постигне домет поголем од 1.000 km со еден резервоар гориво.