Симпатичното Twingo зад себе има повеќе од 30 години стаж во три генерации, но сегашниот модел на Twingo, што последниве години се пласира само во електричната верзија, Renault, почнува да го повлекува од важните европски пазари, подготвувајќи го за пензија…
Наследникот ќе пристигне во 2026 година, во нова улога, делумно враќајќи се на своите корени.
Францускиот градски автомобил зад себе има повеќе од 30 години искуство, иако неговите почетоци датираат многу порано. По три децении присуство на пазарот, Тwingо е пред пензионирање. Renault веќе го повлекува од некои од најважните европски пазари.
Моделот се уште е присутен во Франција, иако наскоро ќе се збогува со домашниот пазар, пренесуваат информативните агенции.
Веќе не може да се конфигурира во Шпанија, Германија или Швајцарија, иако сè уште има некои модели на продажба како дел од нарачките за преголеми залихи од последните неколку месеци.
Како што признава компанијата, електричното Twingo го достигна крајот на својот комерцијален циклус.
Сепак, изненадени сме од дискрецијата со која Renault ја спроведува операцијата на неговото тивко пензионирање.
Тажен крај за автомобил што значеше толку многу за толку многу возачи.
Сегашното Twingo е родено во 2014 година.
Иако поголемиот дел од својот „живот“ беше понуден со бензински мотори, малиот француски автомобил успеа да се прилагоди на променливите трендови и новите сообраќајни прописи.
Имено градскиот „Лилипутанец“, веќе неколку години е достапен исклучиво во електрична верзија.
По 10 години на пазарот, деновите на актуелното Twingo се избројани, но малиот Французин се уште не го кажал последниот збор.
Имено, како што е најавено, Renault ќе го „оживее “.
Меѓутоа, иако неговата генерациска промена е веќе во тек, новиот и веќе најавен модел ќе се појави дури во 2026 година.
Компанијата на крајот на минатата година објави соопштение кое многумина со нетрпение го очекуваа.
Renault Twingo ќе живее и, што е многу важно, ќе ја врати својата првобитна суштина.
Првиот Twingo E-TECH концепт ни го покажува дизајнот кој стана многу популарен во 90-тите.
Малиот и „заоблен“ формат ќе го предводи новиот бран на мали европски електрични модели кога ќе се појави на пазарот за две години.
За неговата нова четврта генерација ќе се користи архитектура приспособена исклучиво на „актуелната“ за која сè уште немаме многу информации.
Она што го знаеме е дека неговата продажна цена се надеваме дека ќе биде под границата од 20.000 евра.
Барем така се надеваат во Renault, кој има проблем да најде партнер со кој може да ги подели трошоците за развој.
Twingo ќе користи помала верзија на платформата AmpR која беше лансирана на електричниот R5.
Првично се очекуваше Volkswagen и Renault да работат заедно на овој проект, но тоа нема да биде случај.
Германците ги прекинаа преговорите, а Французите немаа друг избор освен да бараат кинески партнер.
Сè уште не е објавено која компанија ќе обезбеди дел од капиталот потребен за постигнување пониски цени, иако сите погледи се вперени во автомобилскиот гигант од Кина – Geely, „етаблираниот“ партнер на Французите со кои веќе имаат заедничкo вложување – Horse.