Батеријата (акумулаторот) е еден од најважните делови на автомобилот и нејзиниот дефект може да биде многу фрустрирачки за возачите, особено во постудените месеци што доаѓаат, кога батериите ја покажуваат својата најголема слабост….
Но, колку всушност трае просечната батерија и кога треба да ја проверите?
За жал, автомобилската батерија не трае вечно. Тоа е затоа што, како и кај секоја батерија, бројот на циклуси на полнење и празнење е ограничен. Особено зимите многу го оптоваруваат акумулаторот на автомобилот. Кога е ладно, хемиските реакции внатре во батеријата се одвиваат побавно, пишуваат новинските агенции…
Со празнење се создава и олово сулфат во батеријата. Овој олово сулфат формира кристали ако батеријата не е целосно наполнета. Со текот на времето, овие кристали се спојуваат и создаваат се поголеми и поголеми наслаги. Ова ја намалува активната површина на електродите, што пак доведува до послаб одговор.
По околу четири години, толку голем дел од батеријата станува неупотреблива што може да забележите значително намалување на нејзините перформанси. Вибрациите за време на возењето може да предизвикаат паѓање на кристалите од електродите, кои потоа создаваат слој од тиња на дното на ќелијата. Ако овој слој стане доволно висок за да ги допре двете електроди, се јавува краток спој и батеријата трајно се уништува.
Скапо или евтино: Која батерија од автомобил трае подолго?
Ако треба да купите нова батерија, проверете го упатството за сопственикот на вашиот автомобил што го дава произвдителот, за да видите кој тип може да го користите.
Опсегот на цени за автомобилски батерии е широк. Можете да добиете евтини модели за околу 50 евра, а скапите не секогаш значи подобро, а евтините не секогаш значи полоши.
Пред да изберете една, споредете ги батериите според прегледите на Интернет и побарајте совет од продавачите.
Како да го продолжите животниот век на батеријата на автомобилот?
Звучи контраинтуитивно, но редовното миење и чистење на вашиот автомобил во зима всушност може да го продолжи животниот век на вашата батерија. Имено, влажната нечистотија може да предизвика кратки споеви кои ќе предизвикаат бавно празнење на батеријата. Во зима, исто така, не треба непотребно да ги загревате ретровизорите или задното стакло, бидејќи тоа многу ја оптоварува батеријата.
Препорачливо е да ги вклучите големите потрошувачи само кога работи моторот (на пр. музика и светла за автомобил).