Ferrari Luce е првиот целосно електричен автомобил во историјата на Ferrari – и дефинитивно е еден од најконтроверзните модели што некогаш излегле од Маранело. Италијанскиот бренд официјално го претстави Luce, модел што означува огромен пресврт за компанијата позната по V8 и V12 мотори.
Новиот Luce е комбинација од спортски GT, shooting brake и луксузен crossover. Моделот има пет врати и пет седишта, што е нешто сосема ново за Ferrari. Дизајнот е дело на легендарниот Џони Ајв, поранешен главен дизајнер на Apple, и неговото студио LoveFrom.
Под футуристичката каросерија се крие електричен погон со четири мотори и повеќе од 1.000 коњски сили. Ferrari тврди дека Luce забрзува од 0 до 100 km/h за околу 2,5 секунди и достигнува максимална брзина над 310 km/h. Автономијата изнесува повеќе од 500 километри.
Ferrari посветил огромно внимание и на „емоцијата при возење“. Иако е електричен, Luce користи специјален систем што создава механички вибрации и звук за да потсетува на класичен Ferrari.
Ентериерот е можеби уште пошокантен од надворешниот изглед. Наместо класичен cockpit, Luce добива минималистички дизајн со стакло, алуминиум, OLED екрани и физички команди инспирирани од луксузна електроника. Ferrari дури користи специјални paddles за контрола на регенерацијата и распределбата на силата.
Цената е речиси неверојатна – околу 550.000 евра, а првите испораки се очекуваат кон крајот на 2026 година.
На интернет реакциите се поделени. Дел од фановите сметаат дека Ferrari направил храбар чекор кон иднината, додека други тврдат дека Luce „воопшто не изгледа како Ferrari“. На социјалните мрежи автомобилот веќе се споредува со модели од Kia, Nissan и Lucid поради необичниот дизајн.