Возењето автомобил со автоматски менувач за многумина е синоним за удобност и релаксирано патување. Сепак, кога станува збор за долги удолници, многу возачи несвесно ја прават истата грешка – постојано ја држат ногата на сопирачката.
Иако ова делува како најлесен начин да се одржува брзината, континуираното кочење на долги спуштања доведува до прегревање на сопирачките (дисковите и плочките), значително го скратува нивниот веков и, во најлош случај, може да предизвика привремено губење на нивната ефикасност.
За среќа, постои едноставен трик што искусните возачи редовно го користат: моторно кочење со автоматски менувач.
Како правилно да користите моторно кочење кај автоматик?
Иако автоматскиот менувач е дизајниран сам да ги избира степените на пренос, речиси сите современи системи им овозможуваат на возачите рачно да ја преземат контролата кога тоа е потребно.
- Префрлете во рачен режим (Manual / Sport / TipTronic): Повеќето автоматски менувачи имаат опција за рачно менување преку префрлање на рачката во положбата M (Manual), S (Sport) или со поместување кон симболите + и –.
- Вратете во пониска брзина: Со поместување на рачката кон – (или со користење на рачките зад воланот – paddles), префрлете во една или две брзини подолу. Ова ќе го зголеми бројот на вртежи на моторот, но автомобилот природно ќе ја намали брзината без потреба од постојано притискање на педалата за кочење.
- Користете ги позициите L, 2 или 3 (кај постари автоматици): Доколку имате постар модел со класичен автоматски менувач, наместо во позиција D (Drive), при спуштање по стрмни терени префрлете во позиција L (Low), 2 или 3. Ова му кажува на менувачот да не префрла во повисока брзина и да го задржи моторното кочење.
Зошто е ова толку важно?
-
- Заштита од прегревање: Кога дисковите и плочките премногу ќе се загреат, кочната течност може да проврие, што драматично ја намалува моќта на застанување.
- Поголема безбедност: Автомобилот е значително постабилен и под подобра контрола кога моторот ја диктира брзината на спуштање.
- Финансиска заштеда: Помалку абење на сопирачките значи помалку посети на сервис и подолг век на траење на плочките и дисковите.
Запомнете: Моторното кочење нема да му наштети на вашиот мотор или менувач, бидејќи современите електронски системи на автомобилот нема да дозволат префрлање во премногу ниска брзина доколку вртежите се опасни за моторот.
