Fiat го слави обновувањето на својата соработка со Disney Italia, партнерство кое започна со создавање на пет ексклузивни тематски изданија на Fiat Topolino за стогодишнината на Disney…
Во оваа нова фаза од нивното заедничко патување, Fiat го претставува специјалниот 600 Hybrid, додека Disney и Pixar го лансираат анимираниот филм „Inside Out 2“. Кампањата го промовира емотивното искуство на возење, засилувајќи го секое чувство, од пријатно до помалку пријатно, што е позитивно ре- интерпретирано.
Филмот на Disney и Pixar насловен „Inside Out 2“ ги истражува емоциите како радост, тага, гнев и страв, кои наоѓаат потврда и трансформација во иновативните карактеристики на автомобилот. Fiat 600 Hybrid е дизајниран да одговори на секоја емотивна нијанса илустрирана во филмот, гарантирајќи соодветен одговор за секој од нив.
600 Hybrid, со својата способност удобно да смести пет патници, е дизајниран да се прилагоди на секоја емоција претставена во филмот, нудејќи насочени решенија за секој. Овој модел се издвојува по својот дизајн кој ја отелотворува иконската природа и италијанскиот начин на живот и нуди искуство во возењето што ја намалува анксиозноста благодарение на хромо -терапијата во внатрешноста.
Тој е пионер во својот сегмент за можноста за прилагодување на внатрешната средина со 64 комбинации на бои за амбиенталното осветлување и контролната табла, со што се создава единствена и релаксирачка атмосфера. По повод премиерата на анимираниот филм во Рим, Fiat 600 Hybrid продефилира низ улиците на главниот град на Италија, станувајќи опиплив израз на извонредната соработка помеѓу Fiat и Disney Italia.
Настанот им даде посебна можност на италијанските семејства, љубителите на брендот и кино ентузијастите да ја искусат магијата на анимацијата. Џузепе Галаси (Giuseppe Galassi), извршен директор на Fiat и Abarth Italia, го изрази своето големо задоволство од обновувањето на партнерството со Disney Italia: „Среќни сме што ја обновуваме соработката, по успехот на случајот Мики Маус (Mickey Mouse).
Решивме да ја обновиме нашата поддршка за магијата на уникатните приказни што Disney и Pixar отсекогаш ги носеле во домовите на италијанските семејства, нашата целна публика и носители на вредностите што ни се драги. Во согласност со пораката „Inside Out 2“, Fiat ја прифаќа секоја човечка емоција со својот познат компактен автомобил, 600 Hybrid.
Овој автомобил не само што ги вклучува новите расположенија претставени во филмот, туку ги трансформира во богато искуство во возењето.