![Кај McLaren F1, само менување на гумите чини исто колку и нов Mercedes Кај McLaren F1, само менување на гумите чини исто колку и нов Mercedes](https://avtoklub.mk/wp-content/uploads/2024/03/maxresdefault-34-768x432.jpg)
Поседувањето суперавтомобил е престиж за кој сонуваат многу ентузијасти во автомобилизмот, но тоа си има цена и тоа висока цена…
Без разлика дали вашиот прв избор е Ferrari, Aston Martin или Porsche, размислувањето за трошоците за одржување ретко е во првите редови. Сепак, оние кои имаат среќа да возат ограничени модели како McLaren F1, чија вредност се искачува на десетици милиони евра, често се соочуваат со изненадувачки високи трошоци за сервисирање.
Замислете си ситуација кога само за менување на маслото се потребни околу 8.000 евра.
Ако ова се комбинира со неопходната годишeн преглед, трошоците брзо скокаат до бројката од 30.000 евра.
И додека можеби се прашувате дали има нешто поскапо, одговорот е – замена на гуми.
За оваа „едноставна“ услуга, два пати годишно, сопствениците на овој суперавтомобил треба да одвојат околу 50.000 евра, пренесуваат новинските агенции.
Цената на само комплет специјални гуми е 6.000 евра, но тоа е само почеток. Монтирањето на новите гуми бара прецизно прилагодување на шасијата McLaren F1 за да се обезбедат оптимални перформанси на возилото, земајќи ја предвид не само моменталната нерамнотежа на гумите туку и природното стареење на материјалот, пишува Auto Bild. Овој процес вклучува детално тестирање и прилагодување на системот за сопирање на новите гуми. Производителот инсистира на овие работи дури и ако треба да се замени само една гума.
Завршувањето на оваа операција е само почеток, бидејќи сопственикот мора да ја обезбеди и тркачката патека. На него, овластен возач со персоналот на компанијата ја проверува исправноста на возењето на автомобилот со нови гуми, а сето тоа, се разбира е на целосен трошок на сопственикот на супер автомобилот.