Kalmar Automotive го развива моделот 9×9 веќе неколку години и сега е време да му го открие на светот, што беше направено на Неделата на автомобили во Монтереј (Monterey Car Week ) во САД…
Од Kalmar тврдат дека ова е „првиот светски ретро хипер автомобил“ и очигледно е инспириран од Porsche 959.
Накратко, автомобилот доби турбо бензински мотор со работен волумен од 3,8-литри, со шест цилиндри, што испорачува моќ од 930 КС.
Оваа погонска единица доаѓа во комбинација со менувач со двојна спојка и со погон на четири тркала.
Kalmar ќе направи и послаба верзија на 9×9 Sport со моќ од 650 КС, што ќе доаѓа во комбинација со седум (7) степен мануелен менувач на брзини. Најавен е и 9×9 Leichtbau, лесна верзија со шест (6) степен мануелен менувач на брзини и атмосферски бензински мотор со работен волумен од 4.0-литри, кој ги движи само задните тркала. Моќта на оваа верзија не се споменува, но Kalmar вели дека Leichtbau тежи 1250 килограми.
Без разлика на верзијата, 9×9 се одликува со каросерија од јаглеродни влакна, волан на задните тркала, 3D-печатени титаниумски клешти со керамички дискови, магнезиумски тркала и адаптивна суспензија.
Значително внимание е посветено на аеродинамиката, наоѓајќи добра рамнотежа на ретро стилот со доволно надолна сила.
Во кабината има место за две лица, истакнувајќи дека основната мисија на Kalmar 9×9 е да создаде епско искуство во возењето, така што нема систем за информативна забава, па дури и радио. Има ЛЦД екрани, а има и заштитен кафез. Присутни се и контроли за стабилност и влечење.
Kalmar Automotive не ги спомна цените, но компанијата се надева дека ќе започне со испорака до клиентите во јули наредната 2025 година.
Значи ќе треба да почекаме помалку од една година и да го видиме овој ретро хипер автомобил со врвни перформанси и управливост.