Volvo S60 е при крајот на производството…
Поточно, компанијата потврди дека производството на моделот S60 ќе заврши овој месец (јуни). „По пет години, Volvo Cars го завршува производството на седанот S60 во Риџвил, Јужна Каролина, на крајот на јуни 2024 година за да им овозможи на САД и на некои други пазари да се фокусираат на целосно новиот EX90“, изјави портпаролот на Volvo за Motor1.
Третата генерација на Volvo S60 дебитираше за моделската 2019 година и беше првата верзија на седанот што се произведуваше во САД во фабриката на Volvo во Јужна Каролина.
„Смртта“ на S60 ќе отвори место за возило за кое Volvo се надева дека ќе биде многу попрофитабилно за марката: EX90. EX90 е целосно електричен SUV со три реда седишта, чие производство започна на почетокот на овој месец (јуни) 2024 година.