Како што потсетува Motor1, претходно оваа година Porsche беше принуден да ги повлече 718 Boxster и Cayman во Европа поради новите прописи за сајбер безбедност…
Истата судбина ја доживеа и Macan со бензински мотори. Сепак, тие два спортски автомобили и crossover моделот сè уште се достапни за купување надвор од ЕУ.
Сепак, менаџерот за производство на Porsche, Албрехт Рајмолд (Albreht Rejmold), сега изјави за Automobilwoche дека Boxster и Cayman ќе престанат со производство до средината на следната 2025 година. Porsche развива целосно електрична замена и Рејмолд ветува дека ќе биде „навистина забавен автомобил“. Не се објавени дополнителни детали, но кабриолетот најверојатно ќе пристигне прв.
Уште едно Porsche со бензински мотори кое се ближи до крајот на својот животен век е Macan од претходната генерација. Додека целосно новиот EV наследник е веќе излезен, претходникот сè уште се продава надвор од Европа. Рејмолд вели дека до средината на 2026 година компанијата ќе биде „целосно посветена“ на електричен наследник.
Рејмолд напомена дека не би било финансиски изводливо да се инвестира во автомобил стар 10 години, иако е еден од најпродаваните производи.
Судејќи според продажбата во 2023 година, неизбежното исчезнување на овие три автомобили од гамата веројатно ќе има огромно влијание врз испораките. Линијата 718 порасна минатата година за 13 проценти (на 20.518 единици), додека побарувачката за Macan остана на нивото од претходната година, со 87.355 возила.
Сепак, бидејќи моделите исчезнаа од европската гама, Porsche може само да сонува да ги достигне нивните бројки за продажба во 2023 година.