Иако многумина го сметаат само за естетски проблем, птичјиот измет може сериозно да го оштети лакот и заштитниот слој на автомобилот доколку остане подолго време на каросеријата. Експертите предупредуваат дека киселините во изметот, особено во комбинација со сонце и високи температури, можат за само неколку часа да предизвикаат трајни оштетувања на бојата.
Проблемот е најизразен во летните месеци, кога жештината дополнително ја забрзува реакцијата меѓу изметот и заштитниот clear coat слој. Ако не се отстрани навреме, може да се појават дамки, губење на сјајот, па дури и трајни „врежани“ траги на лакот.
Експертите советуваат изметот никогаш да не се брише на суво, бидејќи честичките и нечистотиите можат да создадат ситни гребнатини. Наместо тоа, потребно е прво да се омекне со вода или специјален спреј, а потоа внимателно да се избрише со мека микрофибер крпа.
Дополнителен проблем претставува паркирањето под дрвја, каде освен птичји измет, автомобилот е изложен и на смола и други нечистотии што можат дополнително да го оштетат лакот.
Авто-деталерите препорачуваат редовно миење и нанесување восок или керамичка заштита, бидејќи тие создаваат дополнителен слој што го намалува ризикот од оштетување.