Јапонскиот производител Toyota ја проширува својата електрифицирана гама со новата хибридна верзија на Aygo X, која сега станува најмалиот целосен хибриден автомобил во А-сегментот — односно најмал „автентичен“ хибрид на пазарот.
Наместо досегашниот 1,0-литарски атмосферски мотор, новиот Aygo X Hybrid користи 1,5-литарски бензински мотор во комбинација со електромотор, што создава вкупна системска моќност од околу 116 КС (85 kW).
Според тестовите на возење, овој малиот хибрид има импресивни перформанси за својот сегмент — забрзува од 0 до 100 км/ч за околу 9,2 секунди, а во „градски циклус“ покажува исклучително ниска потрошувачка гориво од околу 4,2 l/100 km, додека при помалку внимателно возење таа може да достигне до околу 5 l/100 km.
Една од најголемите предности на новиот Aygo X Hybrid е тоа што ја пренесува Toyota-ината хибридна технологија — веќе видена кај модели како Yaris — во најмалата класа на автомобили, што го прави идеален избор за градски услови каде што ефикасноста и ниските емисии се особено важни.
Покрај техничките подобрувања, автомобилот добива и освежен дизајн, повисоко ниво на изолација, LED светла, голем 10,5-инчен екран, електронска рачна сопирачка и подобрен внатрешен простор за возачот и сопатниците.
Toyota го позиционира Aygo X Hybrid како модерен, ефикасен и практичен избор за луѓе кои живеат во градови и сакаат компактно, динамично и „зелено“ возило без компромис во удобноста.