На овогодинешниот саем за автомобили во Пекинг, Toyota претстави неколку електрични возила кои планира да ги лансира на кинескиот пазар до 2026 година…
Сите тие се дел од плановите на Toyota за настап на пазарот во Кина, фокусирани на интелигенција, електрификација и диверзификација, како дел од нејзината трансформација во компанија за мобилност.
Во Пекинг беше прикажан предсерискиот модел bZ3C, кој сега се појави во сериското издание со еден електромотор од 272 КС.
bZ3C е долг 4780 mm, широк 1866 mm, висок 1510 mm, меѓуоскино растојание е 2880 mm, а максималната тежина е 1920 килограми. Досегот се очекува да биде помеѓу 500 и 600 километри.
Извршниот потпретседател и главен директор за технологија, Хироки Накаџима (Hiroky Naajima), исто така, го рече ова за време на лансирањето на автомобилот: „Каков вид на EV ќе предизвика насмевка на лицата на нашите кинески клиенти? Работејќи со нашите партнери во Кина, оваа потрага не доведе до bZ3C“.
Според сегашните најави, Toyota планира да започне со производство на овој модел во четвртиот квартал од оваа година. Сериската верзија ќе ја произведува во Кина FAW Toyota Motor, која го произведува и седанот bZ3.
Јапонскиот производител се уште не потврдил дали ќе биде достапен на пазарите надвор од Кина.
bZ3C е заеднички развиен од Toyota, BYD TOYOTA EV TECHNOLOGY CO., LTD., FAW Toyota Motor Co., Ltd. и Intelligent ElectroMobility R&D Center од TOYOTA (China) Co., Ltd. (IEM од TOYOTA).
Дизајниран околу темата „рестартирање“, овој динамичен електричен crossover модел со карактеристичен стил се фокусира на карактеристики кои создаваат забавен личен простор.
Автомобилот се одликува со препознатливиот стилски јазик на електрични возила на Toyota и го привлекува вниманието со аеродинамичното тело, големите тркала и Coupе-SUV ставот, кој има за цел да ги привлече помладите купувачи на Gen Z.
Моделот е опремен со најновите системи за помош на возачот и паметен кокпит, кој обезбедува безбедно, удобно возење со ново вредно искуство.
Конечно, Тоyota наведува дека ќе продолжи да работи кон иднината на мобилност исполнета со насмевки и различности, задоволувајќи ги потребите на клиентите во секој регион.