![Има автомобили кои по закон не можат да бидат казнети за брзо возење Има автомобили кои по закон не можат да бидат казнети за брзо возење](https://avtoklub.mk/wp-content/uploads/2024/01/Speed_RADAR_gun-900x510-768x435.jpg)
Развојот на технологијата е толку брз што луѓето тешко можат да ја следат, а уште полошо е кога станува збор за регулација и долгиот процес на донесување закони за некои нови технологии, што најдобро можеме да го видиме на примерот со регулација на AI (Аrteficial Intelligence – вештачката интелигенција)…
Една од работите во иднина која исто така ќе треба да се регулира се автономните автомобили.
Денешните закони беа напишани исклучиво за времето кога возачот мораше да биде зад воланот на автомобилот, и иако на некои пазари законите почнаа да се прилагодуваат на робот-таксито, тоа не е случај во американската сојузна држава Калифорнија. чии улици возат автомобили во кои веќе извесно време нема возач.
Дупки во законот
Имено, поради дупката во законот за сообраќај во Калифорнија, полицијата не може да ги карти автомобилите без возач за брзо возење. Имено, законот вели дека само автомобил со возач може да се казни, пренесуваат информативните агенции.
Казна за возило во движење не може да се издаде ако се работи во режими без возач, според интерниата порака (упатство) на началникот на полицијата во Сан Франциско, Бил Скот.
Иако не можат да бидат казнети за пребрзо возење, овие возила не се имуни на казни за непрописно паркирање, па затоа компјутерите мора да внимаваат и каде се паркираат.
Меѓутоа, додека во Калифорнија, барем досега, не ги земаа предвид робот-такси-возилата и законите што треба да важат и за возилата во кои нема возач, во другите сојузни држави каде што се тестираат роботакси возила, законите се прилагодиле на ситуацијата.
Така, во Тексас и Аризона постои регулатива која се однесува на автономните автомобили кои подлежат на закони, како и на возилата управувани од луѓе. Значи, ако робот-такси вози побрзо од дозволеното, во тие држави тоа возило исто така треба да се казни.