Место модели на производители од Запад (Германија Франција, Италија САД, Јапонија, Јужна Кореја…) на сцена стапија тие од Кина…
Во 2023 година во Русија се продадени повеќе од 1,3 милиони моторни возила, што е зголемување за 60 отсто во однос на претходната 2022 година, соопшти Министерството за индустрија и трговија.
Според објавените податоци, продажбата на патнички и комерцијални возила изнесува 1.056 милиони (+62%), односно 104.958 единици (+35%).
Бројот на камиони и автобуси продадени во Русија во текот на годината изнесува 140.204 (+74%), или 17.792.
За споредба, Асоцијацијата на европски претпријатија (АЕБ) објави минатата година дека продажбата на нови патнички и лесни комерцијални автомобили во Русија изнесувала вкупно 687.370 во 2022 година, што е пад од неверојатни 58,8 отсто во споредба со 2021 година, кога имаше речиси 1,7 милиони возила.
Падот се припишува на недостигот на возила на домашниот пазар откако американските, европските, јапонските и јужнокорејските производители или ја напуштија Русија или ја прекинаа испораката на автомобили и компоненти, прекинувајќи го локалното производство на неодредено време поради санкциите на Западот.
Иако руските и кинеските производители на автомобили не успеаја веднаш да ја задоволат побарувачката, а многу купувачи беа обесхрабрени од високите цени на возилата, Кинезите започнаа со експанзија во Русија.
Иако руската автомобилска индустрија сè уште го покрива поголемиот дел од локалниот пазар, кинеските брендови забележаа импресивен раст на продажбата.
Lada Granta од руско производство остана најпопуларен модел во земјата, со 191.074 продадени автомобили во 2023 година, а на второ место е Haval Jolyon од кинеско производство, со 48.980 продадени возила.
Во првите пет најпродавани автомобили се Lada Niva (46.859), Lada Vesta (41.296) и Chery Tiggo (40.992), пренесуваат информативните агенции.