![Alpine A290 – првите фотографии од новиот жежок hatchback! Alpine A290 – првите фотографии од новиот жежок hatchback!](https://avtoklub.mk/wp-content/uploads/2024/02/1231030-768x512.jpg)
Спортскиот брат на претстојниот Renault 5 беше „уловен“ во дивината, откривајќи ни донекаде како ќе изгледа неговата сериска верзија…
Новот, електричен Renault 5 ќе ја види светлината на денот на крајот на месецот во Женева на претстојниот салон за автомобили Palexpo 2024, следен одблиску од неговиот спортски брат од сестринската марка Alpine.
Иако веќе го видовме Alpine A290, конкретно во форма на концептот A290_ß, дури сега имавме можност да ја видиме верзијата подготвена за производство, иако во силно камуфлирана верзија.
Поагресивна надворешност
Да почнеме со очигледното, фактот дека Renault 5 и Alpine A290 ќе ја делат каросеријата, со задолжителните спортски додатоци како што се поголемите доводи за воздух и спојлер за A290 на Alpine.
Бидејќи Alpine навистина се трудеше да го камуфлира претстојниот модел, тешко е да се видат деталите, но она што е јасно видливо се бандажите кои силно наликуваат на оние прикажани на концептот A290_ß.
Она што го очекуваме
Како производител, Alpine речиси секогаш ќе стои во сенка на Renault, ова е за жал реалноста на секоја подмарка, но исто така веруваме дека поради ова, Alpine ќе се потруди да му даде на моделот A290 што е можно попрепознатлив изглед. со уникатни визуелни елементи.
На пример, веруваме дека задните светла ќе добијат различен светлосен потпис во однос на оние на Renault 5.
Исто така, браниците и дифузерите сигурно ќе бидат многу поагресивни, со цел да се нагласи спортскиот дух на Alpine.
Возење и технологија
Платформата CMF-B за електрични возила е основата на претстојниот Renault 5 и ќе ја дели со Alpine A290. Сериската верзија, за разлика од концептот кој доби два, ќе има само еден електромотор, сместен на предната оска. Бидејќи се работи за спортска верзија, очекуваме ширината, односно растојанието меѓу тркалата да биде поголема за да се постигне подобра стабилност, додека растојание помеѓу оските веројатно ќе биде идентично.
Опсег
Иако ништо не е потврдено, можеме со сигурност да претпоставиме дека Alpine A290 ќе биде опремен со истата батерија како и Renault 5. Станува збор за батерија со капацитет од 52 kWh, а опсегот што ќе го обезбеди веројатно ќе биде нешто пократок од тоа на Renault 5, бидејќи Alpine A290 ќе биде малку помалку аеродинамичен и ќе има силен фокус на спортското возење. Досегот на Renault 5 ќе биде околу 400 km, така што можеме со висок степен на сигурност да претпоставиме дека Alpine A290 ќе може да помине околу 350 km помеѓу полнењата.
Цена
Што се однесува до цената, гласините од автоиндустријата се дека A290 ќе биде за околу 20% поскап во однос на стандардниот Renault 5. Очекуваната цена на Renault 5 е околу 35.000 евра, додека веројатно ќе треба малку да се плати повеќе од 45.000 евра за верзијата Alpine.