![Lexus подготвува ново coupе кое ќе ги замени моделите RC и LC Lexus подготвува ново coupе кое ќе ги замени моделите RC и LC](https://avtoklub.mk/wp-content/uploads/2024/03/2026_lexus_lc_66e9ecf5545d8d1c19d7e056e29df4f6debbee23-768x432.jpg)
Новите вести од Јапонија сугерираат дека Lexus има намера да ги замени моделите RC и LC со ново купе, следејќи ја стратегијата слична на пристапот на Mercedes со моделот CLE кој служи како замена за купе од C-Class и E-Class Coupe…
Не е познато како ќе се вика новиот модел, но најверојатно по големина ќе биде сличен на LC. 5.0-литарскиот V8 мотор повеќе нема да се нуди, додека хибридниот 3.5-литарски V6 погон од гамата LC ќе биде задржан, веројатно по неколку ревизии.
Lexus би сакал да понуди специјална верзија на 3,4-литарскиот V6 со два турбо полначи.
Се очекува oсум (8)-брзински автоматски менувач да биде единствената опција, заедно со погонот на задните тркала, иако има и шпекулации за потенцијално воведување на варијанта со погон на сите тркала.
Се очекува дека новиот модел ќе биде купе 2+2, а наводно ќе има елегантен дизајн.
Исто така, постои можност подоцна да се појави и повеќе атрактивната кабриолет варијанта.
Автомобилот треба да биде долг околу 4800 mm, широк 1900 mm, висок 1350 mm, со растојание помеѓу оскино од 2870 mm.