![Smart бара партнер за новиот ForTwo Smart бара партнер за новиот ForTwo](https://avtoklub.mk/wp-content/uploads/2024/04/817531-16x9-sm.jpg)
Производството на третата генерација на Smart ForTwo штотуку е завршено, додека следната генерација ќе добие зелено светло дури кога Smart ќе најде партнер за него…
Smart сега е во заедничка сопственост на Mercedes и Geely, а неговите електрични кросовери #1 (број 1) и #3 (број 3) се изградени во Кина на истата архитектура Geely SEA2 што ја користат Zeekr X и Volvo EX30.
„Пред два месеци почнавме да работиме на нова, посветена платформа која ќе ја користи идниот градски автомобил Smart со две седишта, но ни требаат партнери за да го направиме тоа финансиски остварливо“, рече извршниот директор на Smart Europe, Дирк Аделман.
„Сакаме да имаме рејтинг со четири или пет ѕвезди од Euro NCAP, како и пристоен опсег“, рече Аделман. „Дефинитивно треба да развиеме платформа, бидејќи за жал таа сè уште не постои.
Иако Smart имаше разговори со неколку производители, вклучувајќи ги Mercedes, Renault и кинеските брендови, во февруари одлучи да работи на сопствена платформа наречена Electric Compact Architecture (ECA). Но, бидејќи сè уште не најде партнер за проектот, Smart не може да постави прецизна временска рамка за лансирањето на новиот ForTwo, кој ќе биде ребрендиран како #2 (број 2) за да се усогласи со другите Smart автомобили.