Mercedes-Benz CLE 300 e со хибридна технологија EQ испорачува 313 КС и нуди до 110 километри чисто електричен опсег….
CLE сега нуди нешто што неговиот ривал од Series 4 на BMW не го нуди, а тоа е plug-in хибриден погон.
Оваа карактеристика треба да ја зголеми привлечноста на стилското Coupe од Штутгарт. Под хаубата на новиот CLE 300 e со хибридна технологија EQ се наоѓа бензински мотор со работен волумен од 2,0-литри, четири цилиндри, со моќ од 204 КС, кој работи во комбинација со електромотор со моќност од 129 КС и со високо напонска батерија со капацитет од 25,4 kWh, развиен внатре во куќата од Штутгарт.
Комбинираната моќност е 313 коњи и 550 Nm максимален вртежен момент, од кои сите се испраќаат на задните тркала. Тоа е доволно за спринт од „место“, до „стотка“ за 6,3 секунди.
Бидејќи се работи за „plug-in“ хибрид, тоа значи дека CLE 300e троши просечно 0,6 литри бензин на 100 километри, што се заснова на тврдењето на Mercedes дека овој автомобил може да помине до 110 километри со чиста електрична енергија. Тоа, заедно со емисиите на јаглерод диоксид од само 13 g/km, значи дека CLE PHEV ужива даночни олеснувања и субвенции на многу пазари.
Стандардната опрема вклучува 11,9-инчен екран на информативно забавен кластер, потоа 12,3-инчен дигитален табла со инструменти, удобно прилагодување на суспензијата, лизгачки панорамски покрив, систем за камера од 360 степени и пакет технологии за помош на возачот.