По речиси пет децении производство на актуелната генерација, легендарната Lada Niva конечно добива наследник. Според најновите информации од руски и европски медиуми, новата генерација на Niva ќе биде претставена во текот на 2028 година.
Првите патентни фотографии веќе се појавија на интернет и откриваат значително помодерен SUV со поробустен дизајн, но со препознатливи линии инспирирани од оригиналната Niva. Новиот модел ќе биде поголем, попрактичен и технолошки понапреден од актуелниот теренец кој се произведува уште од 1977 година.
Според достапните информации, новата Niva ќе биде базирана на модифицирана платформа поврзана со Renault/Dacia технологија, иако AvtoVAZ по заминувањето на Renault од Русија морал самостојно да го адаптира проектот. Се очекува употреба на атмосферски бензински мотори од 1.6 и 1.8 литри.
Дизајнот комбинира класичен „boxy“ SUV изглед со модерни LED светла и поагресивен преден дел. На Reddit и автомобилските форуми веќе има бројни реакции, а многумина забележуваат дека новата Niva визуелно потсетува на Dacia Duster и Ford Bronco Sport.
И покрај доаѓањето на новата генерација, актуелната Niva Legend најверојатно ќе остане во производство уште неколку години како поевтина и поедноставна off-road алтернатива. AvtoVAZ паралелно работи и на освежена верзија со нов 1.8-литарски мотор што треба да пристигне веќе во 2026 година.
